ចូរចូលមកចុះ !
ដោយDave Branon
August 25, 2013
កម្មវិធីទូរទស្សន៍ នៅប៉ុស្តិ៍ប្រវត្តិសាស្រ្ត(History Channel) បានធ្វើការចាក់ផ្សាយជាពិសេស អំពីអាកាសយាន្តដ្ឋាន ដែលអស្ចារ្យបំផុតក្នុងពិភពលោក ។ អាកាសយាន្តដ្ឋាន ដែលខ្ញុំចាប់អារម្មណ៍ បានឈប់ដំណើរការទៀតហើយ គឺអាកាសយាន្តដ្ឋានមួយនោះឯង ដែលខ្ញុំធ្លាប់ជិះយន្តហោះចុះចត ។ ខ្ញុំយល់ស្របចំពោះមតិដែលថា អាកាសយាន្តដ្ឋានកៃ តាក់(Kai Tak) នៅទីក្រុងហុងកុង បានធ្វើឲ្យអ្នកដំណើរព្រឺព្រួច ហើយពិតជាធ្វើឲ្យអាកាសយាន្តនិកមានការលំបាក ពេលចុះចត ។ បើសិនជាយន្តហោះដែលអ្នកជិះ ត្រូវធ្វើដំណើរតាមទិសដៅមួយ ដើម្បីចុះចតនៅទីនោះ វាត្រូវហោះរំលងអាគារខ្ពស់ៗ ហើយអ្នកត្រូវសង្ឃឹមថា វានឹងចុះចតដោយជោគជ័យ គឺមិនត្រូវធ្លាក់ចូលទៅក្នុងសមុទ្រឡើយ ។ តែបើវាត្រូវចុះចតតាមទិសដៅមួយទៀតវិញ នោះវានឹងហាក់ដូចជាកំពុងហោះសំដៅទៅបុកភ្នំអញ្ចឹង ។ ខ្ញុំមានការភ្ញាក់ផ្អើល នៅពេលបានឮអាកាសយន្តនិកមួយរូប ដែលធ្លាប់ដឹកអ្នកដំណើរជាច្រើនចូលអាកាសយាន្តដ្នាកកៃ តាក់ មានប្រសាសន៍ថា “ខ្ញុំនឹកពេលដែលខ្ញុំបើកយន្តហោះចុះ ក្នុងអាកាសយាន្តដ្ឋាននោះ”។ ប៉ុន្តែ ខ្ញុំគិតថា ខ្ញុំយល់ពីន័យរបស់គាត់ ។ ក្នុងនាមជាអាកាសយាន្តនឹកម្នាក់ គាត់ដឹងអំពីការលំបាកដែលគាត់ត្រូវប្រឈមមុខ ។ គាត់មានទំនុកចិត្តក្នុងការបើកបរ ដោយសារគាត់ជឿជាក់លើសមត្ថភាពរបស់ខ្លួន និងពឹងផ្អែកទៅលើអ្នកដែល នាំផ្លូវគាត់ចូលទៅក្នុងអាកាសយាន្តដ្នាននោះ ។ មានពេលជាច្រើនដងពេកហើយ ដែលយើងគេចចេញពីការប្រឈមមុខនឹងការលំបាក ។ ប៉ុន្តែ ពួកអ្នកនៅក្នុងព្រះគម្ពីរ ដែលយើងចូលចិត្តអានអំពីពួកគេ គឺគួរឲ្យស្ងប់ស្ងែងណាស់ ព្រោះ ពួកគេតយុទ្ធនឹងការលំបាក ។ ចូរពិចារណាអំពីសាវ័កប៉ុលចុះ ។ ដោយសារគាត់ទុកចិត្តថា ព្រះនឹងជួយគាត់ នោះគាត់បានប្រឈមមុខនឹងបញ្ហាដោយផ្ទាល់ ហើយបានយកជ័យជម្នះ ។ ព្រះគ្រីស្ទបានសន្យាលោកប៉ុល នឹងយើងថា “តែទ្រង់មានព្រះបន្ទូលមកខ្ញុំថា គុណរបស់អញល្មមដល់ឯងហើយ ដ្បិតកំឡាំងអញបានពេញខ្នាត ដោយសេចក្តីកំសោយ”(២កូរិនថូស ១២:៩)។ តាមគំរូរបស់សាវ័កប៉ុល យើងអាចទុកចិត្តលើការមើលថែរបស់ព្រះ ហើយនិយាយទៅកាន់ការលំបាកថា “ចូរចូលមកចុះ!” – Dave Brannon
បទគម្ពីរប្រចាំថ្ងៃ
គេវាយខ្ញុំនឹងដំបង៣ដង…ខ្ញុំត្រូវសំពៅលិច៣ដង…ក៏មានសេចក្តីអន្តរាយ… ត្រូវនឿយហត់ ហើយលំបាក…ត្រូវស្រេកឃ្លាន ត្រូវអត់ជាញឹកញយ ។ - ២កូរិនថូស ១១:២៥-២៧