ការលើកលែងទោសរបស់ព្រះជាម្ចាស់
ដោយJennifer Benson Schuldt
November 24, 2013
នៅ រាល់ឆ្នាំ នាចុងខែវិច្ឆិកា ប្រធានាធិបតីសហរដ្ឋអាមេរិក បានចេញការសុំទោសជាសាធារណៈក្នុងពិធីអរព្រះគុណ។ នៅក្នុងពិធីនោះ ប្រធានាធិបតីមួយរូបរបស់សហរដ្ឋអាមេរិកថ្លែងសន្ទរកថា៖ «ភ្ញៀវកិត្តិយសរបស់យើងនៅថ្ងៃនេះ ដូចជាភ័យបន្តិច។ គ្មាននរណាម្នាក់ប្រាប់គាត់ថា ខ្ញុំនឹងលើកទោសគាត់ទេ»។ មាន់បារាំងដ៏កំសត់មានហេតុផលនឹងភ័យខ្លាច ព្រោះគេនឹងយកវាធ្វើជាអាហារពេលល្ងាចបុណ្យអរព្រះគុណថ្ងៃនេះ។ យើងក៏មិនខុសគ្នាអ្វីដែរ ពេលណាយើងដឹងថាខ្លួនមានបាប។ បើសិនជាគ្មានព្រះជាម្ចាស់លើកលែងទោសទេ នោះយើងនឹងវិនាស។ លក្ខខណ្ឌនេះ គឺជាលទ្ធផលផ្ទាល់កើតចេញពីកំហុសរបស់យើង។ ព្រះគម្ពីរចែងថា៖ «ឈ្នួលរបស់អំពើបាបគឺជាសេចក្តីស្លាប់»(រ៉ូម ៦:២៣)។ ទោះជាយ៉ាងណា យើងបានរួចពីទោសមួយជីវិត ដោយសារព្រះបុត្រាព្រះជាម្ចាស់ទទួលបាបជំនួសយើង នៅលើឈើឆ្កាង។ អំពើបាបយើងជាប់ឆ្កាងជាមួយព្រះអង្គ យើងរស់ក្នុងសេចក្តីសុចរិត ដោយសារស្នាមរំពាត់លើអង្គទ្រង់យើងបានជាសះស្បើយ (១ពេត្រុស ២:២៤)។ ទីមួយ បទព្រះគម្ពីរ យ៉ូហាន ១:៧ ប្រាប់យើងថា ព្រះលោហិតព្រះយេស៊ូវបានសម្អាតយើងរួចពីបាបហើយ។ យើងដឹងថា ព្រះជាមា្ចស់បានលើសទោសយើងរួចពីបាបហើយ ពេលយើងប្រកាសទទួលស្គាល់ព្រះយេស៊ូវ គឺជាព្រះអម្ចាស់ ហើយជឿថាព្រះបិតាបានប្រោសព្រះយេស៊ូវឲ្យរស់ពីសុគតឡើងវិញ (រ៉ូម ១០:៩)។ ថ្ងៃនេះ ចូរពិចារណាមើល ថាតើអ្នកត្រូវឆ្លើយតបចំពោះព្រះជាម្ចាស់ដោយរបៀបណា ដែលទ្រង់ដែលបានប្រទានការអត់ទោសដល់អ្នកដូច្នេះ ។-Jennifer Benson Schuldt
បទគម្ពីរប្រចាំថ្ងៃ
«ព្រះលោហិតនៃព្រះយេស៊ូវគ្រីស្ទ ជាព្រះរាជបុត្រានៃទ្រង់ ក៏សំអាតយើងរាល់គ្នា ពីគ្រប់អំពើបាបទាំងអស់» ១យ៉ូហាន ១:៧