ដុតទៀនបំភ្លឺ
ដោយJames Banks
September 2, 2022
ចូរឲ្យចង្កេះអ្នករាល់គ្នានៅជាក្រវាត់ ហើយចង្កៀងនៅឆេះ។ លូកា ១២:៣៥ ដល់ពេលថ្ងៃត្រង់ហើយ តែមេឃនៅតែងងឹតមិនឃើញពន្លឺថ្ងៃ។ នៅពេលព្រឹកថ្ងៃទី១៩ ខែឧសភា ឆ្នាំ១៧៨០ ថ្ងៃដ៏ងងឹត បានចាប់ផ្តើមមាន ក្នុងអតីតទឹកដីរដ្ឋញូអ៊ីងគ្លិន អស់រយៈពេលជាច្រើនម៉ោង។ ភាពងងឹតដែលមិននឹកស្មានដល់នេះ ទំនងបណ្តាលមកពីពពកខ្មៅក្រាស់ ដែលកើតឡើងពីផ្សែងភ្លើងឆេះព្រៃដ៏ធំសម្បើម នៅប្រទេសកាណាដា តែមនុស្សជាច្រើនឆ្ងល់ថា តើថ្ងៃជំនុំជម្រះបានមកដល់ហើយឬ? ថ្ងៃនោះ ព្រឹទ្ធសភានៅរដ្ឋខុននែកធីខាត់ កំពុងមានការប្រជុំ ហើយមានសមាជិកព្រឹទ្ធសភាខ្លះចង់ផ្អាកការប្រជុំ ដោយសារភាពងងឹត តែលោកអ័ប្រាហាំ ដាវិនភត(Abraham Davenport) បានឆ្លើយតបថា "ខ្ញុំសូមបដិសេធន៍ការផ្អាកការប្រជុំនេះ។ យើងមិនដឹងថា ថ្ងៃជំនុំជម្រះបានមកដល់ ឬជិតមកដល់នោះទេ។ បើថ្ងៃជំនុំជម្រះមិនទាន់មកដល់ទេ នោះយើងគ្មានហេតុផលដែលត្រូវផ្អាកការប្រជុំឡើយ។ បើថ្ងៃជំនុំជម្រះពិតជាមកដល់មែន នោះខ្ញុំចង់ឲ្យព្រះទ្រង់ទតឃើញខ្ញុំកំពុងបំពេញតួនាទីរបស់ខ្ញុំ។ ដូចនេះ នៅថ្ងៃនេះ ខ្ញុំសូមឲ្យគេយកទានមកអុចបំភ្លឺកន្លែងប្រជុំ"។ ការដែលលោកដាវិនភតមានចិត្តចង់ឲ្យព្រះទ្រង់ទតឃើញគាត់កំពុងបំពេញភារកិច្ច យ៉ាងស្មោះត្រង់ នៅថ្ងៃព្រះអង្គយាងមក គឺបានធ្វើឲ្យខ្ញុំនឹកចាំ អំពីព្រះបន្ទូលរបស់ព្រះយេស៊ូវ ដែលបានចែងថា "ចូរឲ្យចង្កេះអ្នករាល់គ្នានៅជាក្រវាត់ ហើយចង្កៀងនៅឆេះ ចូរអ្នករាល់គ្នាធ្វើដូចជាមនុស្ស ដែលនៅរង់ចាំចៅហ្វាយខ្លួន ត្រឡប់មកពីស៊ីការវិញ ដើម្បីកាលណាលោកមកគោះទ្វារហៅ នោះឲ្យបានបើកឲ្យជា១រំពេច បើកាលណាចៅហ្វាយមកដល់ ឃើញពួកបាវកំពុងតែចាំយាមដូច្នោះ នោះគេមានពរណាស់"(លូកា ១២:៣៥-៣៧)។ ជានិច្ចជាកាល ការបម្រើព្រះអង្គសង្រ្គោះនៃយើងគឺជាទង្វើរដ៏ប្រពៃ ទោះយើងធ្វើនៅពេលយប់ ឬថ្ងៃក្តី។ សូម្បីតែនៅពេលភាពងងឹតជិតចូលមកដល់ ព្រះបន្ទូលសន្យា ដែលព្រះអង្គមានសម្រាប់អស់អ្នក ដែលទន្ទឹងរង់ចាំព្រះអង្គយាងមកវិញ នៅតែមានតម្លៃ។ ដូចនេះ "ចូរឲ្យពន្លឺរបស់អ្នករាល់គ្នា បានភ្លឺនៅមុខមនុស្សលោកយ៉ាងនោះដែរ ដើម្បីឲ្យគេឃើញការល្អ ដែលអ្នករាល់គ្នាប្រព្រឹត្ត"(ម៉ាថាយ ៥:១៦) ហើយស្រឡាញ់ និងបម្រើព្រះអង្គផងដែរ។—JAMES BANKS
តើអ្នកនឹងមានការផ្លាស់ប្តូរដូចម្តេចខ្លះ ក្នុងការប្រព្រឹត្ត បើអ្នកដឹងថា ព្រះយេស៊ូវនឹងយាងមកនៅថ្ងៃស្អែក? តើអ្នកនឹងបញ្ចេញពន្លឺព្រះអង្គ ឲ្យអ្នកដទៃបានឃើញ ដូចម្តេចខ្លះ?
ឱព្រះយេស៊ូវ សូមព្រះអង្គឆាប់យាងមកវិញ! សូមព្រះអង្គជួយទូលបង្គំ ឲ្យត្រៀមខ្លួនជាស្រេចសម្រាប់ថ្ងៃនោះ ហើយសូមឲ្យរបៀបដែលទូលបង្គំរស់នៅ បានបណ្តាលចិត្តអ្នកដទៃឲ្យចូលមករកព្រះអង្គផងដែរ។
To learn more about walking daily in the Spirit, visit ODBU.org/NT050.—
គម្រោងអានព្រះគម្ពីរយៈពេល១ឆ្នាំ : ទំនុកដំកើង ១៣៧-១៣៩ និង ១កូរិនថូស ១៣